.
.
.
يـــــــاكبر همي وغمي يــــــابحر جدة
جــــارت علي الليالٍ وزودت مـــــابي
.
الله من جــــــرح له وسط الحـــــشا مدة
عيّـــا يطـــــــيب ولا فادت به الاطبابي
.
امزح مع الوقت واثر الوقت من جـــده
قـــــلت ابتسم واثره مكـــــشر بالانيابي
.
وقتٍ يحد الرجل لاقـــــــــصاه ويـضده
ويشـــــــــيب اللي بعد فالــعمر ماشابي
.
هــجم عــــلي الزمن هجمات مرتـــــدة
وشـــمّت علي العدا وابكى لي اصحابي
.
يامــــــــوج بحري ويامـــده وجـــــزره
شف الزمــــان الهول وشــــلون سوا بي
.
صـــــبرت وانهرت والصبر انتهى حده
وقــــــتي تغدى بي وخـــــلي تعشى بي
.
بصد ياشـــــــــوق والصده هي الــصدة
الصـــــــــبر وياك لا ودى ولا جابـــــي
.
دام الوفــــــــا سال دمعـــه على خـــــده
لــــــــيه أتلوى بك وليه اتـــــــــلوى بي
.
روح وخـــــــل الغلا لا رحم أبو جــــدة
مادام أنا أولــــى .. بـــــجرحي أولى بي
.
روح عــــــــــــسى روحــــــتك بلا رده
منت أول انــــــــسان فارقني من أحبابي
.
.
.
.
